Лионел Меси вечерва не успеа да реализира удар од белата точка на натпреварот со Австрија. Новиот рекордер на Мундијалите промаши шест од своите 31 пенал за Аргентина.
Меси има изведено 31 пенал за Аргентина, реализирајќи 25 (80,6% стапка на успех). Кристијано Роналдо има реализирано 22 од своите 32 обиди за Португалија (68,8%).
Вкупно во кариераа, Меси има постигнато 114 гол од 147 пенали (77,6%), додека Роналдо има постигнато 183 гола во 219 обиди (83,6%).
Со вечерашниот промашен пенал, Меси постави анти-рекорд по бројот на промашени пенали на Светските првенства. Тој има промашено три пенали на Светските првенства, не сметајќи ги изведувањата во пенал-сериите. Претходно не успеа да постигне гол од пенал против Исланд на Светското првенство во 2018 година и против Полска на Светското првенство во 2022 година. Ова го прави единствен лидер во оваа категорија, надминувајќи го Ганецот Асамоа Гјан, кој ги промаши пенали против Чешка на Светското првенство во 2006 година и Уругвај на Светското првенство во 2010 година.
Вреди да се напомене дека Меси е лидер и по бројот на изведени пенали на Светските првенства (7).
