Убаво забележа во својот коментар нашиот коментатор Срѓан Захариевски дека не му се допаѓа тоа што на ова СП ќе има по две паузи во полувремњата без разлика дали температурата е 20 или 35 стенепни Целизуосови, и дека тоа не е пауза за хидратација туку за маркетинг.
Инаку на сите ни беше јасно кога Соединетите Американски Држави, заедно со Мексико и Канада кои се таму за да ја комплетираат приказната, ја добија организацијата на најголемото Светско првенство во историјата дека ќе се игра според „американски правила“, но се надевавме дека тоа нема да влијае на самата игра. Сепак, тоа не е случај.
И додека целите тимови излегоа на теренот за време на националните химни, и тие беа пеени во живо, како во американскиот спорт, сè беше во ред, но кога имаше пауза за хидратација во средината на првото полувреме, што е пофер да се нарече рекламна пауза, тоа не беше во ред. И нема да биде до крајот на Светското првенство.
На овој начин, натпреварите повторно се неофицијално поделени на четвртини како да гледаме НБА или НФЛ, што со фудбалот нема допирни точки.
Така, ритамот на двата натпревари на првиот ден од Светското првенство беше „убиен“ уште на првата пауза, бидејќи по три минути од паузата, играчите едноставно го губат ритамот и треба повторно да ја подигнат работната температура.
Покрај тоа, полувремето автоматски се продолжува за три минути и натпреварите непотребно траат подолго.
На крајот, фудбалот се игра двапати по 45 минути, ајде да ги оставиме четвртините за некои други спортови.
