Аргентина на ова СП влегува како актуелен светски првак, но и како еден од фаворитите за трофејот. Јасно е дека ова за Лео Меси, веројатно најдобриот фудбалер на сите времиња ќе биде последен танц. Меси ја освои својата прва титула во Катар 2022 и нема да биде под притисок, но ќе биде четири години повозрасен.
Аргентина има сила, има квалитет и знае како треба до титулата.
Кога сме кај “гаучосите“ да се потсетиме малку на тоа епско финале од минатиот шампионат во Катар.
Во регуларниот дел на “Лусаил“ беше 2:2 со голвите на Меси и Ди Марија, како и двата од пенал на Мбапе. Во продолженијата погодија Меси и Мбапе уште по еднаш за конечни 3:3.
Следуваа пеналите таа историска и епска пенал – серија во која Аргентина беше подобра, а решавачкиот гол беше дело на Монтиел.
И потоа ЛУДИЛО!!!
Следуваше еуфорична прослава низ цела Аргентина, Меси конечно среќен и конечно светски првак, ги видовме солзите на Скалони и големата тага на Мбапе.
Потоа се беше историја.
Аргентина светски првак во 1978 со Марио Кемпес, Аргентина светски 1986 со Диего Марадона, и Аргентина светски првак 2022 со Лео Меси.
Со денови, недели и месеци траеше славјето со неизбежната химна на фановите – “Muchachos“.
