Мажот со голема брзина влегол во кружниот тек на надвозникот, ја изгубил контролата врз возилото, пробил низ заштитна ограда, по што возилото паднало од голема висина и се запалило, објави Обсерватор.
И покрај брзата реакција на пожарникарите, немало начин да се спаси несреќниот маж, се верува дека изгорел жив во автомобилот.
Пријателите на жртвата се сомневаат дека нивниот пријател намерно ја предизвикал несреќата и се одвезол во смрт. Велат дека се развел пред неколку години и дека конечно ја сретнал жената со која сакал да го помине остатокот од животот, но раскинале пред неколку дена поради честите расправии. Судбоносното утро, тој бил на пат кон свадба...
„Требаше да го земам наутро, но тој си замина сам, рече дека ќе оди да ја земе својата сакана, не знам каде“, изјавил шокиран пријател за медиумите.
Познаниците не ја исклучуваат можноста мажот да се самоубил поради депресија, особено затоа што совршено го познавал кружниот тек каде што загинал и не бил пијаница.
„Разговарав со него на полноќ. Видов дека е тажен, бил во врска со девојка. Сè започнало од таа врска. Се расправале, се помириле, па раскинале. Што да кажам, таа не знаела што сака“, вели еден од неговите пријатели.
Полицијата вели дека причина за несреќата била прекумерната брзина при влегување во кружниот тек.
Полицијата сега ќе ги испрашува оние кои последен пат разговарале со починатиот маж, како и неговата девојка, за да утврди дали си го одзел животот или станува збор за сообраќајна несреќа предизвикана од небрежност.
