Вергара беше видена како танцува во бел летен фустан во ноќен клуб на Ибица, а видеото од нејзиниот настап брзо стана вирално на TikTok и досега е прегледано повеќе од 4,3 милиони пати. Иако многумина очекуваа дека ќе ја следи забавата од ВИП ложа, Софија, според еден од гостите, „создала своја ВИП зона - опкружена со телохранители“, објавува Daily Mail.
На својот Инстаграм, актерката објави и свое видео од клубот, со коментар: „Кога си на Ибица...“
@ibiza #ibiza ♬ origineel geluid - Ibiza
Се бакнуваше со Том Брејди?
Да ве потсетиме, неодамна се појавија гласини дека Софија Вергара и Том Брејди наводно имаат летна романса во Шпанија. Се шпекулира дека ѕвездата на „Модерно семејство“ и поранешната ѕвезда на НФЛ се на одмор заедно на Ибица, а биле видени на суперјахтата Луминара.
Брејди наводно дури побарал да ги смени местата со друг гостин за да може да биде до Софија на една од вечерите. Извори велат дека Софија и Том не се во врска, туку дека тоа е само летна авантура.
„Двајцата само се забавуваат, не се пар“, изјавил извор за TMZ. Вергара дури и споделила фотографија од себе како седи на вечера со Брејди.
Открила што сака кај новиот партнер
Минатиот месец, Софија даде увид во тоа што бара во својата следна врска. Таа призна дека ѝ треба забава во животот, но дека не е заинтересирана за врска со некој што не е финансиски независен.
„Сакам основни работи, како здравје и некој што ме сака. И некој висок, згоден. Сакам некој што има пари колку мене или повеќе, бидејќи ако не, тоа е кошмар. На крајот ќе ти се налутат“, рече Софија.
Холивудската ѕвезда, која беше во брак со актерот Џо Манганиело помеѓу 2015 и 2024 година, рече: „Сега сум сама година и пол и некако паничев откако се разведов. Си помислив: „Имам 52 години, што ќе се случи? Каде ќе најдам некого?““
