Репрезентациите учеснички на претстојното ЕП во Германија ќе имаат избор од 26 фудбалери кои ќе патуваат на континенталниот собир. Според француски „Л’Екип“ одлуката за проширување на составите од 23 на 26 играчи беше донесена денеска преку далечинско гласање од членовите на извршниот комитет на УЕФА.
На 22 април, иницијативата беше поддржана со мало мнозинство гласови од Комисијата на УЕФА за национални тимски натпревари. Претходно во поддршка за неа се изјаснија и некои селектори на репрезентациите кои учествуваат на тековното ЕП.
Сите 26 играчи ќе можат да се вклучат во официјалниот состав за натпреварите на ЕП 2024, а истите ќе седат и на клупата.
Евро 2024 ќе се одржи во Германија од 14 јуни до 14 јули.
