Тој предупреди дека бројот на жртви може дополнително да расте, а полицијата информира дека има и повеќе повредени. Причината за несреќата, што се случи во индустриска зона на периферијата на Луисвил, сè уште не е позната.
Според Федералната управа за авијација (ФАА), авионот McDonnell Douglas MD-11 полетал од аеродромот „Мухамед Али“ во Луисвил околу 17:15 часот (22:15 по Гринич). Само неколку моменти подоцна, леталото се урнало и избувнал голем пожар. Полицијата соопшти дека авионот паднал околу пет километри јужно од аеродромот.
Компанијата „ЈупиЕс“ потврди дека во авионот имало тројца членови на екипажот и дека во текот на ноќта ќе бидат прекинати операциите за сортирање пратки во нивниот најголем логистички центар „Ворлдпорт“.
Авионот летал кон Хонолулу на Хаваите. Снимки од местото на несреќата покажуваат ѕид од пламен и густ чад над зоната во која се наоѓале фабрики за рециклирање и делови за автомобили.
BREAKING: A UPS aircraft just crashed near Louisville Muhammad Ali International Airport in Kentucky.
— Brian Krassenstein (@krassenstein) November 4, 2025
Does this have anything to do with the lack of Air traffic controllers. pic.twitter.com/f6M6wkSKe2
Двајца работници сè уште се водат како исчезнати, а пожарникарите пребаруваат низ урнатините. Дел од областа е под наредба за засолнување. „Ситуацијата е сериозна“, објави Бешир на платформата Икс, најавувајќи дека патува кон Луисвил.
Аеродромот е затворен, а сите летови кон и од Луисвил се привремено суспендирани.
