Потрагата, според новинската агенција EFE, е фокусирана на дел од патот од шест километри помеѓу местото каде што автомобилот последен пат е виден, соопштија каталонските пожарникари.
„Моето најдлабоко сочувство до семејството и пријателите на лицето кое почина поради дождовите во Каталонија. Би сакал да им се заблагодарам и да ја пофалам работата на полицајците кои сè уште работат на пронаоѓање на исчезнатото лице. Ве молам бидете исклучително внимателни поради силната бура“, рече шпанскиот премиер Педро Санчез во објава на социјалната мрежа X.
Во потрагата учествуваат подводни екипи, беспилотни летала и единици со кучиња, а од утрово е вклучен и хеликоптер.
Министерката за внатрешни работи на Каталонија, Нурија Парлон, синоќа изјави дека е пронајдено телото на момчето, кое имало околу 11 или 12 години, и дека се претпоставува дека неговиот татко е мртов, иако неговото тело сè уште не е пронајдено.
🚨Torrential rains wreak havoc in #Spain & #France
— Rapid Reveal (@rapid_reveal) September 22, 2025
Catalonia: 1 dead, 2 missing after car swept away near Sant Pere de Riudebitlles, 27 rescued from Montserrat funicular
SE France: Marseille flights rerouted, PSG match postponed#silenthillf #deprem #floods #Flood2025 #sstvi pic.twitter.com/KQdFcHnJBa
Обилните дождови во неделата предизвикаа ненадејно покачување на нивото на реката.
Таткото наводно решил да ја премине реката со своето возило, и покрај советот да не го прави тоа, и бил изненаден од ненадејното зголемување на нивото на водата, објасни министерот.
Околу 18:30 часот, очевидец ги информирал службите за итни случаи дека автомобил со две лица внатре бил однесен.
Обилните дождови што ја погодија Барселона и околината довеле до наврнато над 100 литри на квадратен метар.
