Бродот моментално се движи кон иранските територијални води.
Агенцијата во соопштението наведува дека добила извештај за инцидентот од локација приближно 38 наутички милји североисточно од пристаништето Фуџаира.
Бродот бил запленет додека бил засидрен
Офицер за безбедност во компанијата што го управува бродот потврдил дека „бродот бил запленет од неовластени лица додека бил засидрфен и сега се движи кон иранските територијални води“.
UKMTO соопшти дека продолжува да спроведува детална истрага за инцидентот. Во исто време, ги предупреди сите бродови во областа да пријават каква било сомнителна активност на море.
UKMTO WARNING 057-26
— UKMTO Operations Centre (@UK_MTO) May 14, 2026
Click here to view the full warning⤵️https://t.co/N1gbo3TWeM#MaritimeSecurity #MarSec pic.twitter.com/liGiL7L1WG
Идентитетот на бродот и напаѓачите во моментов е непознат
Во моментов нема достапни информации за идентитетот на самиот брод, ниту за тоа кој точно стои зад ова запленување. Инцидентот се случува во услови на зголемени регионални тензии кои ескалираа откако САД и Израел започнаа воздушни напади врз Иран на 28 февруари.
Да потсетиме дека Техеран одговори на тие напади со одмазда против Израел и американските сојузници во Персискиот Залив, што во еден момент доведе до целосно затворање на стратешки важниот Ормутски Теснец.
Неуспешни преговори и американска блокада
Прекинот на огнот, постигнат со посредство на Пакистан, стапи на сила на 8 април. Сепак, преговорите што се одржаа во Исламабад не доведоа до траен мировен договор. Американскиот претседател Доналд Трамп последователно одлучи да го продолжи примирјето на неодредено време.
И покрај официјалното прекин на огнот, ситуацијата на море останува многу запалива. Од 13 април, САД спроведуваат строга поморска блокада во Ормутскиот Теснец, која важи за сите ирански пристаништа. Денешното запленување на бродот може дополнително да ја комплицира веќе кревката безбедносна ситуација во регионот.
