Балистичка ракета истрелана од Иран, која навлегла во турскиот воздушен простор, е неутрализирана од воздушните и ракетните одбранбени елементи на НАТО распоредени во источен Медитеран - соопшти турското Министерство за национална одбрана.
Во соопштението се наведува дека Анкара решително ги презема сите потребни мерки против каква било закана насочена кон нејзината територија и воздушниот простор, објави „Анадолија“.
Надлежното министерство додаде дека се во тек разговори со надлежната земја за разјаснување на околностите на инцидентот.
Турските власти нагласуваат дека внимателно ги следат случувањата во регионот и дека заштитата на националната безбедност е нивен приоритет.
