Во суво, оддалечено подрачје, во близина на градот Срчлајт, пронајдени се повеќе од 300 уредно наредени купишта пепел. На прв поглед, никој не знаел што се, објавува The Sun.
Пустината криела тајна
Сцената изгледала морничаво - мали сиво-бели купишта наредени на песок, без знаци на пожар или експлозија. Полицијата го опколи подрачјето и започна истрага, додека експертите се обидуваа да го утврдат потеклото на мистериозниот пепел.
По детална анализа, беше направено шокантно откритие. Станува збор за човечка пепел што некој ја оставил среде пустина. На некои места биле пронајдени и фрагменти од скршени урни.
Локалните медиуми објавија дека се изброени дури 315 купишта кремирани останки, кои завршиле во пустината на непознат начин. Истражителите веруваат дека станува збор за нелегално масовно фрлање пепел, веројатно од неименувана, неодамна затворена погребална агенција.
Имиња на починати непознати
Законот дозволува расфрлање на пепелта на приватен имот, но забранува отстранување на човечки останки на овој начин. Иако идентитетот на починатите не е познат, се верува дека живееле во јужна Невада.
На местото на настанот беше испратен тим од истражувачи, каде што ја собраа и обезбедија пепелта. Планираат да ја погребаат во заедничка крипта на локалните гробишта за да можат семејствата да им оддадат почит.
„Важно е овие луѓе да не бидат заборавени. Сакаме да им го дадеме достоинственото место и почитта што ја заслужуваат“, рекоа официјалните лица.
