Групата во соопштението наведува дека нападот бил извршен со бараж од ракети, по континуирана насочена акција против нивната инфраструктура во Иран, Либан, Ирак и палестинските територии, објави Ројтерс.
Хутите изјавија дека нивните операции ќе продолжат сè додека, како што наведоа, не заврши „агресијата“ на сите фронтови.
Порано утрово, израелските власти објавија дека преземаат мерки за пресретнување на ракетите од Јемен.
Лансирањето ракети од Јемен кон јужен Израел дојде неколку часа откако јеменските Хути, кои се поврзани со Иран, изјавија дека се подготвени да дејствуваат доколку продолжи она што го нарекоа ескалација против Иран, без да прецизираат каква форма би можела да има интервенцијата, објави Ројтерс.
Вклучувањето на Хутите во конфликтот на Блискиот Исток ја зголемува можноста за поширока регионална конфронтација, со оглед на нивната способност да напаѓаат цели далеку надвор од Јемен и да ги нарушат бродските линии околу Арапскиот Полуостров и Црвеното Море.
BREAKING: Yemen's Houthis:
— Clash Report (@clashreport) March 27, 2026
We affirm that our fingers are on the trigger for direct military intervention in the following cases:
The joining of any alliances with America and Israel against the Islamic Republic of Iran and the Axis of Jihad and Resistance.
Using the Red Sea… pic.twitter.com/V3mgSFT8x4
Хутите претходно извршија напади врз бродските линии во поддршка на Хамас во Газа по 7 октомври 2023 година.
Шиитските сојузници на Иран во Либан и Ирак веќе се вклучија во регионалниот конфликт.
