Јакуб Јан Конкел (40) во понеделникот беше осуден на 13 години и шест месеци затвор, бидејќи криел големо количество дрога во камион што превезувал 28 палети облека од „Skims“ од Холандија, соопшти Националната агенција за криминал.
Конкел, кој е од северна Полска, бил запрен од граничната полиција во пристаништето Харвич во Есекс, Англија, додека пристигнувал со траект минатиот септември.
По рендгенска проверка на возилото, истражителите откриле дека возачот застанал по пат за да преземе 90 пакети кокаин, со вкупна тежина од околу 90 килограми. Потоа ги сокрил пакетите во специјално направен таен простор во задните врати на камионот.
Властите нагласиле дека пратката на „Skims“ била легитимна и дека ниту извозникот ниту увозникот на облеката не биле поврзани со шверцот.
Конкел првично тврдел дека не знаел ништо за кокаинот, но подоцна признал дека се согласил да ја пренесе дрогата за 4.500 евра.
„Овие дроги уништуваат животи и носат страдање во нашите заедници“, изјави помошник-директорот на граничната служба Џејсон Торн.
Тој додаде дека оваа голема заплена е доказ за успешната работа на службите во борбата против криминалните мрежи и спречувањето опасни дроги да стигнат на улиците.
Извор: Њујорк Пост
