„Моментално пишувам мјузикл со помош на вештачка интелигенција“, рече 80-годишникот завчера во Лондон, според „Холивуд репортер“.
„Заблуда е дека вештачката интелигенција може да напише цела песна“
Вештачката интелигенција е „одлична алатка“, продолжи Улвеус, додавајќи дека и таа има свои недостатоци. „Заблуда е дека вештачката интелигенција може да напише цела песна. Лоша е во тоа - многу лоша. Фала му на Бога! Исто така е многу лоша во пишувањето текстови. Но, може да ви даде идеи“, додаде тој.
Улвеус не даде премногу детали за мјузиклот на кој работи. Запрашан да ја спореди вештачката интелигенција со партнерот на АББА, Бени Андерсон, Улвеус се пошегува: „Побрза е и прави точно она што ќе ѝ го кажете... Но, не е како вистински партнер за пишување песни“.
Ги напиша најголемите хитови на ABBA
Дотичниот дуо ги коавторираше хитовите на ABBA, „Mamma Mia“, „Waterloo“ и „Dancing Queen“. Улвеус заклучи дека има голем интерес за дигиталните технологии и дека е особено заинтересиран за вештачката интелигенција и нејзиното влијание врз музичката индустрија.
