Хари Кејн потпиша нов договор со Баерн Минхен. Германскиот клуб официјално ја потврди информацијата, а англискиот голгетер ќе остане во Минхен до летото 2029 година.
Според информациите кои доаѓаат од Германија и Англија, Кејн добил најголем договор во историјата на клубот. Точната сума не е објавена, но се наведува дека станува збор за огромна заработка.
Во моментов Кејн заработува 25 милиони евра годишно. Со новиот договор таа сума значително ќе биде зголемена, а според проценките, неговата годишна плата би можела да надмине и 30 милиони евра.
Се наведува дека Кејн сега е најплатениот фудбалер во Европа. Досега на врвот на листата беше Ерлинг Халанд, кому Манчестер Сити му исплаќа 32,27 милиони евра годишно.
Зад него се Килијан Мбапе и Винисиус Жуниор, чии годишни примања во Реал Мадрид изнесуваат 31,25 милиони евра.
💬 Harry Kane: “𝘐𝘤𝘩 𝘧𝘶̈𝘩𝘭𝘦 𝘮𝘪𝘤𝘩 𝘣𝘦𝘪𝘮 𝘍𝘊 𝘉𝘢𝘺𝘦𝘳𝘯 𝘸𝘪𝘦 𝘻𝘶𝘩𝘢𝘶𝘴𝘦: 𝘐𝘤𝘩 𝘭𝘪𝘦𝘣𝘦 𝘥𝘦𝘯 𝘝𝘦𝘳𝘦𝘪𝘯, 𝘥𝘪𝘦 𝘍𝘢𝘯𝘴, 𝘥𝘪𝘦 𝘚𝘵𝘢𝘥𝘵 𝘔𝘶̈𝘯𝘤𝘩𝘦𝘯 – 𝘸𝘪𝘳 𝘩𝘢𝘣𝘦𝘯 𝘦𝘪𝘯 𝘧𝘢𝘯𝘵𝘢𝘴𝘵𝘪𝘴𝘤𝘩𝘦𝘴 𝘛𝘦𝘢𝘮 𝘶𝘯𝘥 𝘪𝘯 𝘝𝘪𝘯𝘤𝘦𝘯𝘵 𝘒𝘰𝘮𝘱𝘢𝘯𝘺 𝘦𝘪𝘯𝘦𝘯 𝘧𝘢𝘯𝘵𝘢𝘴𝘵𝘪𝘴𝘤𝘩𝘦𝘯 𝘊𝘰𝘢𝘤𝘩. 𝘌𝘴 𝘮𝘢𝘤𝘩𝘵 𝘮𝘪𝘤𝘩 𝘴𝘦𝘩𝘳 𝘴𝘵𝘰𝘭𝘻, 𝘛𝘦𝘪𝘭 𝘥𝘪𝘦𝘴𝘦𝘴 𝘝𝘦𝘳𝘦𝘪𝘯𝘴 𝘻𝘶 𝘴𝘦𝘪𝘯.” ❤️🤍
Alle Infos zur Vertragsverlängerung unseres Weltfußballers: https://t.co/EzW7SuD47y
— FC Bayern München (@FCBayern) November 5, 2026
Така, Кејн од четвртото место се искачи на врвот на листата. Останува да се дознае колкава точно е сумата што Баерн ќе му ја исплаќа.
33-годишната ѕвезда пристигна во Минхен во летото 2023 година од Тотенхем, за трансфер вреден 95 милиони евра.
Неговото ангажирање се покажа како вистински потег. Англичанецот веднаш почна да руши рекорди, а на 161 натпревар постигна 156 гола и забележа 41 асистенција.
Круна на неговата кариера пристигна пред неколку дена, кога беше прогласен за најдобар фудбалер во светот.
