Дури и ако не го носите дресот на Ливерпул, а сте играч на овој клуб во актуелната сезона, очигледно немате многу среќа со избегнувањето на повреди.
Конор Бредли и Џовани Леони се потешко повредени, а Џереми Фримпонг исто така се мачи да фати континуитет и во моментов е надвор од строј. Тука се и ситните повреди кои ги оддалечуваат играчите од терен по еден или два натпревари… Многу пехови ги следат „црвените“, а последниот во низата нема многу врска со сегашниот тим на Арне Слот, но и тоа како е важен за иднината.
Договореното засилување за лето, Жереми Жаке, по сè изгледа доживеал потешка повреда откако го дислоцирал рамото на натпреварот против Ланс, кој неговиот тим го загуби со 3:1. Тој го напушти теренот во 69. минута во болки, а според зборовите на тренерот на клубот од Бретања, постои сомнеж за посериозна повреда.
Ваквите пехови можат да го оддалечат играчот од теренот и до три месеци. Затоа, Жаке, кој беше планиран да игра во срцето на одбраната на Ливерпул следната сезона и во меѓувреме да се подготвува за новата средина и улога, ќе мора на рехабилитација и можеби ќе биде надвор од терените до крајот на сезоната.
