Горан Лозановски за македонската јавност можеби и не е така познат, но за австралиската секако дека е. Човекот кој што има девет настапи за фудбалската репрезентација на Австралија во деведесеттите години од минатиот век, сега е тренер на тимот на Алтона Меџик, а е во центарот на вниманието на тамошната јавност поради вербален напад на судија.
Поточно, на дуелот против тимот на Авондејл, Лозановски најпрво доби жолт картон од судијата, за приговор, но не застанат тука, туку продолжи во ист ритам. Главниот судија Јанис Зисис потоа му додели директен црвен картон по што Лозановски влезе во терен.
Следуваше, нормално суспензија, а поради фактот што тоа е Австралија, истата е драконска и изнесува 17 мечеви.
