Уф, каков меч вечерва на „Емирејтс“ во Лондон. Арсенал – Вулверхемптон 2:1 и тоа со победнички гол или автогол во 90+4.минута.
Арсенал не беше на своето ниво, а против себе го имаше најслабиот тим во ПЛ. Се реда акции, шанси, поседот на моменти и 84-16, но гол немаше, па немаше.
И тогаш во таа 70.минута Сака изведува корнер, топката удри во стативата а потоа и во голманот на гостите и заврши во неговата мрежа за 1:0 за Арсенал, тоа беше првиот автогол.
Гостите не се предадоа, во 90.минута израмнија на 1:1 со голот на Арокодаре. Тоа беше шок за Арсенал, за сите фанови на домашните.
Сепак во 90+4.минута гостите “честеа“ уште еден автогол, овојпат на Москера за конечни 2:1.
По ова секако имаше еуфорија на трибините, домашните еуфорично се израдуваа, посебно ако се знае дека во случај на реми утре веројатно Манчестер Сити ќе го преземеше врвот на табелата.
Ова е уште една опомена за Арсенал и Артета, ако сакаат да бидат шампиони, ваквите мечеви мора да ги добиваат на рутина.
