Дали на повидок е мега – трансфер? Дали на повидок е најголемиот трансфер ова лето? Винисиус во Арсенал? Па и не е така неможно.
Шампионот во ПЛ Арсенал наводно направил голем чекор кон доведување на една од најголемите ѕвезди во светскиот фудбал. Според информации објавени од многу сигурни извори блиски до клубот, „топџиите“ постигнале принципиелен договор за личните услови со Винисиус Жуниор. Веста ја објавија „HandofArsenal“ и „MrArsenicTM“, извори кои со години ги следат настаните во Арсенал и се меѓу најпочитуваните кога станува збор за информации поврзани со лондонскиот клуб. Нивните најави често им претходат на официјалните потврди, поради што навивачите на Арсенал ги следат со посебно внимание. Сепак, евентуалниот трансфер на бразилскиот репрезентативец би бил сè друго освен едноставен. Според извештаите, репрезентативниот тим на Винисиус, поточно „Roc Nation“, е подготвен да започне преговори со Реал Мадрид, а Арсенал би влегол во целата приказна со огромна понуда.
Доаѓањето на Винисиус на „Емирати“ би претставувало една од најголемите трансфер бомби во историјата на клубот. Бразилецот со години е еден од клучните играчи на Реал Мадрид, со кого освои бројни трофеи и стана едно од заштитните лица на европскиот фудбал. Но, се чини дека Бразилецот никогаш не бил поблиску до излезната врата од Сантијаго Бернабеу. Неговата „моќ“ во Мадрид веќе не е толку силна, а Жозе Мурињо веќе успеа да го спушти на земја.
Винисиус наводно не е некој на кого Жозе Мурињо ќе се потпира премногу, што му отвори врата за голем трансфер.
Долго време, Вини ги одбиваше условите што му беа понудени во Мадрид во врска со продолжувањето на договорот. Флорентино Перез одлучи да не ја прифати „уцената“ на Бразилецот, па му рече или да го прифати она што му е понудено или да го напушти клубот.
