<i>Красниќи во 2008 година беше осуден на 15 години затвор поради тоа што во 2005 година во неговото родно село Кондово со својата група подготвуваше напад на Скопје.</i>
Во Урошевац, соседно Косово денеска се уапсени четворица државјани на Македонија, тројца поради пукање, а еден бил баран со потерница.
<a href="https://telma.com.mk/2024/05/04/chetvoricza-drzhavjani-na-makedonija-se-uapseni-na-kosovo-trojcza-poradi-pukane-a-eden-bil-baran-so-potenicza/" target="_blank">Телма</a><span> </span>дознава дека станува збор за следниве лица Бесим Красниќи, Агим Красниќи и Сеад Рамадани Цапи кои се сега во притвор.
Како што соопшти косовската полиција, три лица се уапсени за „убиство во обид и учество во тепање“, а едно било барано со меѓународна потерница.
Според полицијата, првите три лица учествувале во тепачка што се случила на 17 октомври минатата година во Урошевац, каде имало и пукање.
Полициски единици вчера околу полноќ запреле „ауди“ со македонски регистарски ознаки во Урошевац, при што при контрола и преглед на автомобилот биле пронајдени три пиштоли и одредена количина муниција.
Тројца од четворицата приведени поседувале лажни документи за идентификација, соопшти полицијата.
-По сослушувањето на регионалните истражители, државниот обвинител одлучил на осомничените да им одреди притвор до 48 часа за други истражни дејствија и други постапки за екстрадиција на лице кое се бара со меѓународна потерница, се вели во соопштението, пренесува<span> </span><a href="https://telma.com.mk/2024/05/04/chetvoricza-drzhavjani-na-makedonija-se-uapseni-na-kosovo-trojcza-poradi-pukane-a-eden-bil-baran-so-potenicza/" target="_blank">Телма.</a>
<a href="http://vecer.mk">Фото: </a>Архива
