Станува збор за Рикси Монкада (60), којa беше министерka за финансии, а подоцна министерka за одбрана во сегашната администрација на претседателка Ксиомара Кастро, потоа Салвадор Насрала, кој се кандидира за претседател по четврти пат, овој пат како кандидат на конзервативната Либерална партија, и поранешниот градоначалник на Тегусигалпа, Насри Тито Асфура, од конзервативната Национална партија, објавуваат американските медиуми.
Актуелната претседателка Кастро вети дека ќе ја „демократизира националната економија“, а кандидатот Насрала вели дека може да ја победи ендемичната корупција во земјата.
Насри Тито Асфура се обидува да ја обнови Националната партија, оцрнета од претходните обвинувања за корупција. Безбедносната состојба во Хондурас се подобри во последните години, убиствата во регионот продолжуваат да се намалуваат, но земјата сè уште има највисока стапка на убиства во Централна Америка.
Жителите на Хондурас велат дека безбедноста и создавањето работни места остануваат нивни главни приоритети, и покрај зајакнувањето на економијата под администрацијата на Кастро.
Американскиот претседател, Доналд Трамп, во петокот вечерта објави дека ќе го помилува поранешниот претседател на Хондурас, Хуан Орландо Ернандез, кој отслужува 45-годишна затворска казна во САД за трговија со дрога и поседување оружје.
Во објава на неговата социјална мрежа Truth Social, Трамп ја повтори својата поддршка за претседателскиот кандидат на Хондурас, Насри Асфура, од конзервативната Национална партија и рече дека „доколку не победи, САД нема да фрлаат пари во таа земја“, претходно објавија британските медиуми.
