Тој ги накапал нејзините протеински шејкови со отров, а потоа ѝ инјектирал смртоносна доза цијанид додека била во болница, објави Би-Би-Си.
Забарот признал за време на судењето дека во неделите пред убиството пребарувал на интернет „како да направи убиство да изгледа како срцев удар“.
За време на судењето, е откриено дека тој ја пребарал и својата ординација за да види дали „арсенот во телото може да се открие со обдукција“.
Забарот ја труел Анџела, која ги родила неговите шест деца, десет пати во еден месец, по што таа завршила во болница.
Кога сфатил дека не ја убил, зел цијанид и ѝ инјектирал додека била во болница. Состојбата на жената брзо се влошила и набрзо била прогласена мртва.
Полицијата во Денвер започнала истрага за Крег откако неговиот партнер за стоматологија и пријател ѝ кажал на медицинска сестра дека нарачал калиум цијанид, иако не им бил потребен за нивната работа.
Забарот се расплакал само откако ги слушнал зборовите на ќерката
Поротата го прогласи Џејмс за виновен за убиство, а судијата го осуди на доживотен затвор.
Поротата ги отфрли неговите тврдења дека ѝ помогнал на сопругата да се самоубие откако тој рече дека сакал развод од неа поради неговата вонбрачна афера.
Нивната најстара ќерка, Миријам, исто така беше на судењето, раскажувајќи со солзи колку многу ѝ недостига нејзината мајка.
„Требаше да можам да му верувам на татко ми. Тој требаше да биде мој херој, а наместо тоа, засекогаш ќе биде мој негативец“, рече таа.
Џејмс се тресеше и плачеше додека го слушаше сведочењето на својата ќерка.
Забарот одби да сведочи за време на двонеделното судење и не сакаше да се обрати на судот по пресудата.
Токсиколошките тестови утврдија дека Анџела Крег починала од труење со цијанид и тетрахидрозолин, состојка што често се наоѓа во капките за очи што се продаваат без рецепт.
