За време на прес-конференција, Руте беше прашан дали Русија би можела да биде доволно ирационална за да размислува за напад врз која било земја-членка на НАТО, тој одговори дека Алијансата во моментов не смета дека тоа е случај.
„Не мислиме така. Не постои непосредна закана за територијата на НАТО. Доколку забележиме трупање сили, ќе реагираме на тоа“, рече Руте.
Тој нагласи дека пораката на НАТО – која претходно оваа недела ја пренесе и врховниот командант на Алијансата, Алексус Гринкевич – е јасна: „Ќе ја браниме секоја педа од нашата територија, без оглед на тоа дали таму живеат луѓе или не“.
Сепак, тој истакна дека НАТО никогаш не би започнал конфликт.
„Никогаш, ама баш никогаш нема да започнеме напад врз кој било друг, бидејќи тоа не е во наш интерес. Ние сме одбранбена алијанса.“
Q: Is Russia foolish enough to consider attacking any NATO country? NATO's Rutte: We don't think so, and we see no imminent threat against NATO territory. And if we were to see a buildup, we would react to it. https://t.co/9869xng9nM
— Clash Report (@clashreport) October 14, 2026
