На претходната средба, двете страни ги разменија своите позиции, изјави денеска портпаролот на Кремљ, Дмитриј Песков. Според руските агенции, тој рече дека сега претстои размена на мислења и преговори, но засега тие се целосно спротивставени. Тој додаде дека сè уште е потребна „голема дипломатска работа“.
Зеленски во саботата предложи средба која треба да се одржи подоцна оваа недела. Според Песков, сè уште нема конечен датум. Тој изјави дека нема промени од руска страна во однос на составот на делегацијата.
Во претходните две рунди разговори во Истанбул, главен руски преговарач беше претседателскиот советник и поранешен министер за култура, Владимир Медински.
Во мај, Киев и Москва за прв пат по три години одржаа билатерални преговори. На оваа средба и подоцна на една во јуни во Истанбул, двете страни се договорија за голема размена на заробеници и враќање на загинатите војници.
Сепак, не се разговараше за чекори кон ставање крај на војната против Украина.
