Тинејџерот (15) кој утринава избоде чувар и ученик во училиште во Одинцово, во Московскиот регион, се изјасни за виновен за злосторството, изјави денеска портпаролката на Главната истражна управа на Истражниот комитет за Московскиот регион Олга Врадиј.
„Истрагата е во тек. Според прелиминарните информации, тој ја признава вината“, изјави Врадиј, пренесена од руските медиуми.
Тинејџерот со нож и маска на лицето нападнал чувар и ученик во училиштето „Успенскаја“ во Московскиот регион, а детето им подлегнало на повредите, објави претходно денеска Рускиот истражен комитет.
Според полицијата на Московскиот регион, повикот за вонредната состојба бил примен во 9:00 часот утринава.
Според извештајот, „еден ученик избодел чувар, го испрскал со бибер спреј, а потоа избодел 10-годишен ученик, кој починал од раните“.
