Потврдено е дека меѓу конфискуваните предмети се најмалку 60 мини сателитски антени на Старлинк, стотици 5G рутери од телекомуникациската компанија Du од Дубаи и друга неидентификувана опрема. Нема индикации дека Starlink или Du дејствувале нелегално, а и двата се контактирани за коментар, пишува Sky News.
Реакција за исклучување на интернетот
Запленувањето доаѓа пет дена откако иранската влада го прекина пристапот до интернет низ поголемиот дел од земјата, а прекинот сега влегува во шестиот ден. Како одговор, Иранците се обидуваат да го користат Starlink, кој се поврзува на интернет преку сателит, за да ги заобиколат наметнатите ограничувања.
Видео снимено претходно оваа недела во северен Иран покажува човек како ја користи батеријата на својот автомобил за да напојува мини антена на Starlink додека вози, обезбедувајќи си брз интернет на својот телефон.
Iran seizes LARGE cache of of Starlink equipment
— Roberto Botella (@botella_roberto) January 14, 2026
It was seized on Jan 13 at the border coming in from 'neighboring country' in the region
It included receivers, signal boosters, modems, and next-gen mobile phones
(@IntelRepublic Telegram) pic.twitter.com/d4SlfT0AWZ
Црн пазар и покрај забраната
И покрај строгата национална забрана, неколку онлајн продавници моментално нудат терминали на Starlink за продажба во Иран. Sky News разговараше со кинески државјанин на Филипините, кој управува со една таква продавница со повеќе од 37.000 следбеници на Instagram.
Тој рече дека добива повеќе од 100 барања дневно, при што терминалите најчесто се шверцуваат од соседен Ирак.
