Државните медиуми објавија дека општинска зграда била запалена во Караџ, западно од Техеран, и ги обвинија демонстрантите. Државната телевизија емитуваше снимки од погребите на припадници на безбедносните сили за кои тврди дека загинале на протестите во Шираз, Ком и Хамадан. Сè уште нема интернет, пренесе Индекс.
Неименуван очевидец во западен Иран изјави по телефон дека Револуционерната гарда била распоредена и отворила оган во областа од која известувал.
ویدیوی رسیده به ایراناینترنشنال نشان میدهد معترضان در ماهدشت استان البرز، شامگاه جمعه ۱۹ دی آتش اعتراض را در خیابان روشن کردند و شعار «این آخرین نبرده، پهلوی برمیگرده» سردادند. pic.twitter.com/B7q2Bvc4fr
— ايران اينترنشنال (@IranIntl) January 10, 2026
Иранската армија е одвоена од Револуционерната гарда, елитна сила задолжена да го заштити наследството на Исламската револуција и која беше распоредена во претходните немири. Двете сили се под команда на врховниот лидер ајатолахот Али Хамнеи.
Организација за човекови права: Најмалку 65 лица убиени во протестите во Иран
Најмалку 65 лица загинаа, а повеќе од 2.300 лица се уапсени во текот на последните 13 дена антирежимски протести, објави американската организација Новинска агенција за активисти за човекови права (HRANA), пренесува CNN.
On the 14th day of anti-establishment protests in Iran…
— Ghoncheh Habibiazad | غنچه (@GhonchehAzad) January 10, 2026
Video published last night by @Vahid shows a crowd of protesters in north Tehran
Loc: https://t.co/KrapI69E6p@GeoConfirmed
pic.twitter.com/DIcooB1DzZ
Според податоците на HRANA, протестите се регистрирани на 512 локации во 180 градови низ целата земја. Од вкупниот број на загинати, 50 биле демонстранти, 14 припадници на полицијата или безбедносните сили, додека едно лице е наведено како „цивил поврзан со властите“.
CNN вели дека не може независно да ги потврди овие бројки. А HRANA предупредува дека точниот број на жртви не може да се утврди поради трајното прекинување на комуникациите и блокирањето на интернетот во Иран.
Иранската армија одговори, заканувајќи им се на демонстрантите со сила
Иранската војска објави дека ќе „ги заштити националните интереси, стратешката инфраструктура и јавните средства со сила“, реагирајќи на неколкудневните антирежимски протести во земјата. Во соопштение за медиумите, армијата го обвини Израел дека стои зад „нов заговор“ со цел, како што наведуваат, „да го наруши редот и мирот во градовите и да ја загрози јавната безбедност“.
„Непријателот, чии раце се извалкани со крвта на децата на оваа нација во 12-дневната војна, се обидува да поттикне нов бунт под лажен изговор за поддршка на иранскиот народ“, соопшти иранската војска.
Соопштението доаѓа по претходните предупредувања од иранските функционери, вклучувајќи го и врховниот лидер Али Хамнеи, кој вчера изјави дека властите „нема да се повлечат“.
A large number of potesters in Punak Square, west Tehran, dance around a bonfire and call for Reza Pahlavi, the exiled son of the late Shah, to return to Iran.
— Shayan Sardarizadeh (@Shayan86) January 10, 2026
Video: @Vahid
Location: https://t.co/wtiYFL0xDo@GeoConfirmed pic.twitter.com/UWiL1M0ISb
Демонстрантите запалија оган на улиците синоќа во Махдашт, покраина Алборз. Во видео што кружи на социјалните мрежи, може да се слушнат извици: „Ова е последната битка, Пахлави ќе се врати“.
Иранската државна телевизија емитуваше снимки од палење на џамија и Курани
Иранската државна телевизија објави снимки од палење на Курани и џамии. Според турскиот новинар Рагип Сојлу на X, телевизијата емитува снимки од палење згради за да ги опише демонстрантите како „вооружени криминалци“.
Iranian State TV now broadcasts damage on holy Quran, shrines and mosques.
— Ragıp Soylu (@ragipsoylu) January 10, 2026
Constant footage of burnt buildings to present protesters as “armed criminals” pic.twitter.com/YoPuM3bKpU
