Оние кои веќе заспале беа разбудени од силните експлозии, тие пак кои беа затекнати на улиците се дадоа во панично барање на засолниште, а неизвесноста ја зголеми и пораката на Трамп – „Мадуро е фатен“ – наговестувајќи негово заробување од страна на „Делта форс“ тимовите..
-САД успешно изведе напад од големи размери против Венецуела и нејзиниот лидер, Претседателот Николас Мадуро, кој, заедно со неговата сопруга, беше заробен и изведен надвор од земјата. Оваа операција беше спроведена со органите на САД за спроведување на законот.- Трамп
Каде се претседателот на Венецуела и правата дама Силиа Флорес останува непознато. Заменик – претседателката на Венецуела Делси Родригез вели дека не знаат каде се наоѓа нивниот лидер, а од претседателот на САД – Трамп, побараа доказ дека Мадуро е жив.
-Бараме итен доказ дека претседателот Николас Мадуро е жив, како и првата дама Силиа Флорес.- Делси Родригез – Заменик претседател на Венецуела
Потврда за апсењето добил и сенаторот на Јута – Мајк Ли од страна на државниот секретар Марк Рубио – а, целта според него била да му се суди во САД.
Во операцијата која Трамп ја нарече брилијантна, таргетирани се повеќе стратешки и воени точка во Венецуела – Форт Тиуна, голема воена база во Каракас, воздухопловната база Ла Карлота, исто така позиционирана во престолнината, како и Хигероте аердоромот во Миранда на северот на државата. Министерот за одбрана на Венецуела – Владимир Падрино порача дека станува збор за варварска инвазија на нивната света земја.
-Го информираме целиот свет, луѓето на венецуела беа цел на најголема криминална агресија од страна на владата на САД. – Владимир Падрино Лопез – Министер за одбрана на Венецуела
Откако информацијата го обиколи светот, светот возврати со реакции, а дел и со осуди. Руското министерство порача дека Латинска Америка мора да остане зона на мир, а Венецуела има загарантирано право да си ја одредува својата судбина без никакви надворешни интервенции, најмалку воени. Реакција имаше и од соседните земји на Венецуела, кои, како и Иран, бараат да се утврди оправданоста на нападот и итен состанок на советот на безбедност на ОН.
Иако нападот беше ненајавен, не беше целосно неочекуван - тензиите помеѓу Вашингот и Каракас растеа со месеци. Првично беа ликвидирани лица кои според Трамп шверцувале дрога во САД, па имаше заплена на танкери со нафта, а САД поставија и носачи на авиони во близина на Венецуела. Во меѓувреме Претседателот Мадуро беше под силни санкции на Америка.
🚨#BREAKING: Reuters reports that U.S. ground forces and United States Air Force assets are currently on the ground and active in and around Caracas, Venezuela. Multiple explosions have been reported and observed across the capital as operations continue. pic.twitter.com/96mTpvxmQX
— R A W S A L E R T S (@rawsalerts) January 3, 2026
