Детективите го приведоа 36-годишниот рапер кратко по 2 часот наутро во хотелот „Лоури“ во Манчестер.
Тој е уапсен под сомнение за тешка телесна повреда
Во соопштението доставено до „Сан“ од страна на Метрополитенската полиција се вели: „36-годишен маж беше уапсен во хотел во Манчестер кратко по 2 часот наутро во четврток, 15 мај, под сомнение за нанесување тешки телесни повреди. Тој е приведен, каде што останува во притвор. Апсењето се однесува на инцидент што се случил на плоштадот Хановер на 19 февруари 2023 година. Истрагата ја води детективски тим од Основната командна единица на Централнозападната област.“
Обвиненијата за напад доаѓаат непосредно пред неговата турнеја по повод 20 години од кариерата, која треба да започне на 8 јуни во Амстердам.
Тој е обвинет за силување
Да потсетиме дека кон крајот на минатата година, анонимна жена го обвини Браун дека ја силувал во 2020 година на јахтата на Диди за време на една од озлогласените забави на раперот.
Тврдењето беше изнесено во емисијата „Крис Браун: Историја на насилство“ на „Интегратив Дискавери“. Темата на документарецот е наводното насилно однесување на Браун низ годините. Тука спаѓаат злоупотреба на партнер, обвинувања за напад и обвинувања за сексуален напад кои првпат излегоа на виделина во 2009 година, кога тој признал дека ја нападнал сега веќе поранешната девојка Ријана.
