Поротата, составена од седум жени и пет мажи, размислуваше пет дена по шестнеделното судење пред едногласно да го осуди поранешниот филмски магнат по едно од трите обвиненија, објавува Би-Би-Си.
Тие го прогласија за невин по дополнителното обвинение за сексуален напад и сè уште не донесоа пресуда за обвинението за силување.
Казната е дополнителна на 16-те години што Вајнштајн сè уште не ги отслужил откако беше осуден за сексуални злосторства во Лос Анџелес.
Судењето започна со сведочењето на три жени - поранешната асистентка за телевизиска продукција Миријам Хејли, актерката Џесика Ман и моделот Каја Сокол.
Трите жени го обвинија Вајнштајн дека ја користел својата моќ во индустријата за забава за сексуално да ги нападне.
Поротниците го прогласија Вајнштајн за виновен за напад врз Миријам Хејли, но го ослободија од обвинението за напад врз Каја Сокол.
Тие сè уште не донеле пресуда за обвинението за силување против Џесика Ман, а разгледувањето е закажано да продолжи во четврток. Хејли рече дека пресудата ѝ дала „надеж дека постои нова свест за сексуалното насилство и дека митот за совршена жртва бледнее“.
