И дефинитивно спортот и политиката не можат да се одвојат. Посебно кога станува збор за она што сега го прави САД, поточно првиот човек на таа земја Доналд Трамп. Јасно е дека тој е решен, барем според неговите изјави, да изврши агресија врз Гренланд, а тоа значи напад на Данска, а тоа значи напад врз земја на НАТО и земја на ЕУ.
Дали тоа го знае Трамп?
И ако тоа го стори, тогаш веројатно ќе следи жесток одговор на нападнатиот, на ЕУ. Имено во последно време се повеќе се дебатира, а посебно во Германија, па и во Англија и Шпанија, секако и Франција, дека најдобриот одговор на ЕУ кон Трамп ќе биде бојкотот на претстојниот Мундијал.
Секако дека ова ќе биде жесток удар за Трамп и неговото его, и тоа ако се случи тогаш јасно е дека Мундијалот и тоа како ќе му пропадне. Јасно е дека Европа ќе загуби со неучеството на нејзините репрезентации, но барем конечно ќе изрази свој став кон оној што сака да те нападне.
