Кристијано Роналдо имаше ден за заборав. Само еден ден откако доби суспензија од Португалската фудбалска федерација, капитенот на Португалија промаши пенал на натпреварот меѓу Ал-Наср и Неом во саудиското првенство. Претходно, новинарот Руи Сантош објави дека Роналдо во моментов не планира да се врати во фудбалската репрезентација на Португалија.
Според неговите информации, присуството на 41-годишниот напаѓач на следниот собир на националниот тим е речиси исклучено. Роналдо смета дека бил неправедно третиран и дека не му била кажана вистината, поради што се чувствува предаден.
Португалската фудбалска федерација го казни со 30-дневна суспензија и парична казна од 255 евра. Сепак, според медиумските извештаи, поради пресметувањето на суспензијата од денот на прекршокот, казната нема да го натера да пропушти натпревар.
CRISTIANO RONALDO TIRÓ EL PENAL AFUERA https://t.co/C3J3zmZ0Ez
— Pablo Giralt (@giraltpablo) October 20, 2026
