Јувентус брзо дејствуваше за да ја пополни празнината што ја остави Игор Тудор и постигна усмен договор со Лучано Спалети.
Според италијанските медиуми, искусниот тренер ќе го преземе кормилото на тимот, враќајќи се на клупата откако ја напушти италијанската репрезентација.
Договорот предвидува соработка до јуни 2026 година, со опција за продолжување за уште една година. Активирањето на опцијата зависи од тоа дали Јувентус ќе обезбеди учество во Лигата на шампионите следната сезона.
Според последните информации, Спалети ја доби „трката“ за наследник, оставајќи ги зад себе другите кандидати како Роберто Манчини и Рафаеле Паладино.
