Аргентинската фудбалска федерација му понуди нов долгорочен договор на тренерот Лионел Скалони. Тековниот договор на селекторот истекува на крајот од 2026 година, а федерацијата сака да го задржи на чело на националниот тим уште подолг период.
Според информациите, АФА е подготвена да понуди договор до крајот на Копа Америка во 2028 година, со опција за продолжување до Светското првенство во 2030 година.
Сепак, конечната одлука е во рацете на Скалони. Тој сè уште јавно не потврдил дали ќе продолжи да ги води „гаучосите“. Самиот Скалони неодамна ја остави отворена можноста да остане на чело на Аргентина, наведувајќи дека тимот ќе се обиде да го продолжи својот успешен пат без оглед на тоа дали ќе биде на клупата.
Во јули, тренерот потврди дека ќе го исполни својот тековен договор до крајот на годината, по што ќе разговара со претседателот на АФА, Клаудио Тапија, за неговата иднина.
Скалони ја презеде Аргентина во 2018 година и ја предводеше екипата до Копа Америка во 2021 и 2024 година, светски првак во 2022 година и финалето на СП во 2026.
sportmedia.mk
