Патеката до Чупини Брдо, 1750 метри висок врв на Плачковица, е долга 5 километри со 1000 метри искачување.
Стартот е закажан за 10:00 часот од чаршијата во Блатец, а целта е на врвот Чупино,
Годинава, организаторот Општина Виница, очекува 150 натпреварувачи од 8 држави, меѓу кои и дел од најсилните вертикал тркачи од регионот. Токму од Чупино ќе започне и новата сезона на Sky Running лигата, што дополнително ја потврдува важноста на настанот на меѓународната спортска мапа.
Но Чупино не е само трка – тоа е и атмосфера, најавуваат организаторите .
Веднаш по пристигнувањето на првите натпреварувачи на целта, во 11:30 часот започнува планинска забава со настап на DJ Ерик и бендовите Флоат и The Hounds, кои ќе го претворат Чупино во сцена под отворено небо.
-Настанот оваа година носи и силна порака – заштита на природата и поддршка за стопирање на изградбата на хидроцентралата на Блатешница, затоа што токму ваквите настани ја покажуваат вредност на планината каква што е – дива, чиста и жива, стои во соопштението на Општина Виница.
