Во 15-минутна сесија за лицитирање на аукцијата JS Fine Art, сликата на која е прикажана Мадона со дете е продадена за 685.000 фунти (околу 780.000 евра), објавува BBC.
Се верува дека сликата е дело на ренесансниот сликар Пјетро Ванучи, познат како Перуџино (1450-1523).
„Тоа беше еден од оние моменти за кои сонува секој аукционер. Знаевме дека е посебна, но реакцијата беше над сè што очекувавме“, рече Џо Смит, основач и главен аукционер во JS Fine Art.
Сликата ја купил приватен колекционер, чиј идентитет останува непознат, и ја однел кај конзерватор на уметнички дела.
Перуџино бил еден од највлијателните уметници на италијанската ренесанса. Во раните години, тој се сметал за рамноправен со Леонардо да Винчи и му било нарачано да ги наслика ѕидовите на Систинската капела во Ватиканската палата во Рим.
„Колку подолго го гледате, толку повеќе го цените квалитетот на изработката и елеганцијата на ренесансните детали“, додаде Смит.
Продажбата постави нов рекорд за JS Fine Art, надминувајќи го претходниот рекорд на аукциската куќа од 265.000 фунти.
