Но, ако се случи глобална апокалипса, кој би бил „виновен“?
Научниците веруваат дека можеби го имаат одговорот, а тоа сугерира застрашувачки крај за човештвото, објавува Дејли меил.
Најлошо сценарио
Нова студија, презентирана од истражувачи на Универзитетот за планетарни науки и Универзитетот во Бордо, шпекулира дека Земјата би можела да биде исфрлена од орбитата од „ѕвезда што минува“.
Без Сонцето да нè загрее, земјата би замрзнала и целиот живот би исчезнал.
Колку и да звучи застрашувачки сценариото, научниците велат дека шансите да се случи нешто вакво се мали – еден од 500, за да бидеме попрецизни.
„Проценуваме дека има 0,2% шанса Земјата да биде вклучена во планетарен судир или да биде исфрлена од орбитата“, се вели во новата студија.
Илјадници симулации се спроведени
Со децении, научниците шпекулираа за причините за „крај на светот“. Џиновски астероид и нуклеарна војна би можеле да предизвикаат катастрофа, како и појавата на роботи-убијци или промената на магнетното поле на нашата планета.
Во нова студија, Натан Кајб и Шон Рејнолдс го насочија своето внимание кон ѕвездите што минуваат. Тие спроведоа илјадници симулации на Сончевиот систем и ѕвездите во текот на следните пет милијарди години.
Нивната анализа даде загрижувачки заклучоци, кои укажуваат на нестабилноста на другите планети.
„Плутон се соочува со најголем ризик од катастрофа, а симулациите покажаа пет проценти шанса. Марс се справува подобро со 0,3 проценти шанса, додека Земјата има 0,2 проценти шанса да биде исфрлена од орбитата“, се вели во студијата.
