Дека човечката добрина не познава географски и национални граници уште еднаш се докажа со примерот на селскиот џин од Арнајава.
Приказната за Милиша Јовановиќ, кој носи чевли број 54, поради што му е многу тешко да најде и со години носи еден пар патики, пред еден месец ги обиколи Србија и регионот. Многумина беа трогнати од неговата ситуација и беа решени да помогнат, па Милиша до крајот на оваа година ќе добие неколку пара нови висококвалитетни патики.
„Го прочитавме текстот за Милиша и со помош на пријател од Германија најдовме патики кои се негов број и со задоволство би му ги подариле“, напиша читател од Србија.
Но, освен луѓе од Србија, на маките на селскиот џин не останаа имуни ниту читателите од соседните земји, бидејќи распрашувањето како да му пратат патики стигна и од Хрватска.
„Шетајќи низ продавница во Загреб, видов патики со истакнат број 54. Во исто време се сетив на приказната за Милиша и решив да ги купам. Како што се наближува Божиќ, мојата идеја е да направам добро дело и да направам некого среќен. Во меѓувреме воспоставив контакт и со хрватската амбасада во Белград и тие се спремни да помогнат при транспорт и достава до Милиша, но им треба точна адреса или телефонски број. Ова не го пишувам за каков било публицитет или експонирање во медиумите, но исклучиво заради „мал подарок за големиот Милиша“, пишува во друга порака.
Уште еден пар патики ќе пристигне кај вредниот и чесен Милиша и од далечната Австралија, од Сиднеј, од каде што контактирале и заинтересирани да му го намалат проблемот.
