Германија разговара за безбедносните гаранции за Украина со своите сојузници, подготвувајќи се за времето по војната во Украина, изјави денеска германскиот канцелар Олаф Шолц за телевизијата АРД.
„Разговараме со блиски пријатели за прашањето за безбедносните гаранции што можеме да ги дадеме. Ова е тековен процес. Јасно е дека нема да биде исто како кога некој е член на НАТО“, рече Шолц, пренесе Ројтерс.
Тој додаде дека е сосема јасно оти тоа е прашање што внимателно се подготвува во дипломатската сфера „за денот што се надеваме дека наскоро ќе го видиме, кога ќе заврши војната“.
