Што треба да се направи со ЈАЈЦЕТО - чуварот на куќата од минатата година?! Vesnik.com

Се верува дека првото бојадисано велигденско јајце е чувар на куќата и го штити домаќинството од болести, зло и се што е штетно, токму затоа тоа е јајцето кое се чува до следната година. Но што треба да се направи со него откако ќе бојадисате ново?

На денот кога се бојадисуваат јајцата за претстојниот Велигден, посебно внимание се посветува на првото јајце, кое е секогаш црвено и се нарекува чувар. Се верува дека тоа носи просперитет и среќа во домот, па многу луѓе го чуваат во посебни украсни садови. Се верува уште и дека го штити домаќинството од болести, зло и се што е штетно. Сепак, многумина не знаат што да прават со чуварот од претходната година, подготвувајќи нова велигденска трпеза.

Да се фрли во ѓубре сигурно не е опција, ниту, пак, да се чува долги години.

Во некои делови тоа се закопува во земја, во двор, градина или лозје со цел да се заштити земјата од штетници, град и други природни катастрофи. Во други региони, децата се тријат со ова јајце на нивните образи за да бидат здрави и розови. Некаде се става во сад со вода, а потоа со таа вода се мијат членовите на домаќинството, особено децата, повторно за да бидат здрави и румени.

Во некои региони, лушпата од јајцето се дроби и им се дава на кокошките да јадат, додека во некои други лушпата од јајцето се фрла преку покривот на куќата.

Постои обичај старото јајце да се фрли и во река, за да ги однесе со себе сите зла и несреќи што се напластиле врз него, наместо врз куќата што ја заштитувало.

Од друга страна, оние што имаат дворови го почитуваат обичајот да го закопаат минатогодишното „јајце-чувар на домот“ под земја или под некое дрво, онаму каде што сакаат земјата да им биде плодна и да го заштитат домаќинството од временските услови.

Кога се вапса првото јајце?

Во Македонија, првите велигденски јајца се вапсуваат на Велики четврток, рано наутро уште пред изгрејсонце. По обичај, првото јајце треба да се обои во црвена боја и да се чува до следниот Велигден, со цел да ја заштити куќата и семејството. Затоа ова јајце се нарекува „чувар на домот“.

Постои верување дека првото црвено велигденско јајце ќе ги истера злите сили и демоните од куќата и домаќинството.

Стариот обичај подразбирал црвеното јајце да отстои во вода со босилек, дрен и здравец, а семејството да се измие со истата таа вода на велигденското утро во недела, така што сите би биле здрави во текот на целота претстојна годината, особено децата.

Што треба да се направи со ЈАЈЦЕТО - чуварот на куќата од минатата година?!

САША ПОПОВИЌ Е НА ПАТЕРИЦИ ПО НЕСРЕЌА КОЈА МУ СЕ СЛУЧИ...

Мислеле дека ја снимиле „поларната светлина“- епското промашување го виделе 6,3 милиони луѓе

ПРОФИЛ